06. kronika Ibarreko

Ibarreko A 2-3 Deusto A


 

Hamaikakoa:

Arkaitz
Lander, Markel, Eneko, Oscar
Gorka, Pablo, Ander
Sergio, Eneka, Jonan


Erreserbarako: Unai, Alejandro, Mikel, Imanol, Xabi, Jokin, Unai O

 

Lehen zatia:

  • 1. minutua, alboko sakea egin dute gure ezkerretik eta gure atzelariak lotan egon direnez aurrelariak burua sartu eta gola, (1-0)
  • 7. minutua, Enekak baloia burrukatu eta lortu egin du baina azkarregi jolastu nahi izan du eta bere jaurtiketa oso desbideraturik atera zaio
  • 16. minutua, txartel horia Gorkari zelai erdian falta bat egiteagatik
  • 25. mintua, falta egin diote Enekari eta baloiaren erdiraketa Enekok buruz kanpora
  • 28. minutua, jokaldi polita zelai erdian eta Eneka arean sartu da ezkerrerantz alboratuta, ondo jaurti du eta atezainak kornerrera urrundu behar izan du, abagune argia
  • 29. minutua, aurreko kornerra atera eta birritan errematatzea lortu dugu eta birritan atera dute baloia atepetik
  • 32. minutua, Sergio errematatzera joan denean bultza eta lurrera bota dute, penaltia gure alde
  • 33. minutua, Sergiok berak jaurti du, azpitik eta nahiko gogor atezainaren eskumatik eta sarera, (1-1)
  • 35. minutua, baloi bat sartu dute erditik atzelarien gainetik eta aurrelariak Arkaitz gainditu du baloia loratuz, (2-1)
  • 40. minutua, beste falta arriskutsu bat atera dugu
  • 42. eta 44. minutuak, jokaldiak eskumatik eta erdiraketa baina ez da inor iritsi errematera
  • 46. minutua, Landerren jokaldia eskumatik eta bere erdiraketa Pablok ikutu du baloia luzatuz alborantz, Sergio bigarren zutoinean baloi galdua sarean kokatu du, (2-2)
  • 48. minutua, lehen zatiaren bukaera

 

Bigarren zatia:

  • 0. minutua, aldaketarik ez gure taldean 
  • 6. minutua, jokaldi arriskutsua egin dute baloi luze bat arean jarriz, aurrelaria korrika zetorrela jaurtitzea lortu du eta kanpora joan da
  • 13. minutua, Jonanek kornerra atera du eta Enekaren burukadak gola ekarri du, (2-3)
  • 17. minutua, falta atera dugu zelai erditik eta baloia Markel zegoen ingurura joan da baina ezin izan du errematatu
  • 19. minutua, Pablo aldagelara eta Imanol jolastera
  • 22. minutua, Sergio aldagelera eta bere ordez Alejandro
  • 24. minutua, Lander aldagelara eta Xabi jolastera
  • 29. minutua, Eneka aldagelera eta bere ordez Mikel
  • 31. minutua, Xabiri txartel horia, ez du Xabik aurrelaria ukitu baina honek plantak egin ditu eta arbitroa nahastu du
  • 33. minutua, alboko sakea gure eskumatik eta azkenez Anderren ezkerkada eta bere jaurtiketa kanpora joan da
  • 34. minutua, Arkaitzek txartel horia ikusi du baloiaren bila joateagatik, beste baterako ikasiko du irabazten goazela berak atepetik ez duela zertan irten behar
  • 38. minutua, baloi galdu bat hartu du Alejandrok eta birritan pentstu gabe jaurti egin du atezaina aurreratuta zegoela ikustean, atezainak ondo geratu du jaurtiketa
  • 43. minutua, euren eskumako aurrelaria, Steven, ondo aritu da indarrez heldu delako partiduaren azken txanpara eta barnekaldiak egin ditu eskumako hegaletik, oraingoan bere erdiraketa errematatzea lortu dute baina kanpora
  • 45. minutua, kontraerasoko jokaldia atera zaigu eta Imanoli jokoz kanpokoa adierazi dio arbitroak, ez zen jokoz kanpokorik eta benetan oso aukera garbia galdu dugu
  • 47. minutua, txartel horia Mikeli
  • 48. minutua, partidua bukatu egin da

 

Iritzi orokorra:

Ez da partidu polita izan, zelaia laburra delako edozein tokitan egindako falta arriskutsua bihurtzen da, bestalde aurkariak ez du inolako erraztasunik ematen eta gaur lanerako prest egon beharra zegoen, esan daiteke neurria eman dugula. Ez dugu ondo hasi eta lehen jokaldian gola jasotzean partidua aldatz gora jarri zaigu, jokoaren ekimena hartu behar izan dugu eta behin eta berriz baloia euren atetik hurbil eduki dugu, azkenik eta horren beste estutu ostean gola lortu dugu, banakoa egin ostean berriro aurreratu dira etxekoak baina zorionez ez gara behera etorri eta lehen zatia bukatzear zela binakoa egin dugu. Bigarren zatian etxekoak partidua irabaztera atera dira baina gu ondo egon gara atzean, eta gauzak zer diren, aurkarien atera hurbildu garen lehendabiziko aldian gola egin dugu, markagailuan aurretik jarri garenean Ibarrekokoek ez dute jakin egoera kudeatzen, lau aurrelariekin erasotu dute baina zelai erdiko jokorik gabe, zoritxarrez guk ez dugu kontraerasoarekin asmatu eta ezin izan dugu partidua erabaki, baina egoera kontrolpean izan dugu eta minutuak aurrera joan dira larritasun berezik gabe gure aldetik.

(euren iritzia)

 

 


Taula nagusira itzuli